Kurti takon Ursula von der Leyen: Diskutuam marrëdhëniet mes Kosovës dhe BE-së

Kryeministri i Kosovës, Albin Kurti, zhvilloi një takim miqësor me Presidenten e Komisionit Evropian, Ursula von der Leyen gjatë qëndrimit të tij në Athinë.

Një ndër temat kryesore të këtij diskutimi ishin çështjet bilaterale mes Kosovës dhe Bashkimit Evropian, me theks të veçantë në zbatimin e reformave.

Kryeministri Kurti u shpreh se Kosova ka shënuar progres ekonomik edhe në këtë vit. Ai theksoi se rritja ekonomike reale për çerekun e parë të vitit 2023 është 3,9%. Në gjysmën e parë të 2023-tës të ardhurat janë shtuar me 15,8%. Ndërkaq nënvizoi se inflacioni ka rënë nga 11,9% sa ishte në janar në 2,8% në qershor. Inflacioni këtë vit vlerësohet që të jetë në 5.2%.

Kryeministri Kurti sonte do të marrë pjesë në darkën e ftuar nga kryeministri grek, Mitsotakis, për liderët e Ballkanit Perëndimor, e cila po mbahet në 20-vjetorin e Samitit të Selanikut.

LEXONI GJITHASHTU:

• Kurti udhëton për në Athinë, pjesë e takimit informal të thirrur nga Mitsotakis
• Forumi i Bledit në Slloveni, Rama dhe Kurti do të marrin pjesë më 28 dhe 29 gusht