Kurti telefonatë me Blinken: Nevojitet intensifikim i dialogut me Serbinë 

Kryeministri i Kosovës, Albin Kurti ka biseduar në telefon me Sekretarin e Shtetit të Shteteve të Bashkuara të Amerikës, Anthony Blinken.

Përmes një postimi në Twitter, Kurti u shpreh se e kishte informuar zyrtarin e lartë amerikan për progresin e vazhdueshëm në Kosovë dhe dialogun me Serbinë.

“Pata një bisedë shumë të mirë telefonike me sekretarin Blinken. E informova për progresin e vazhdueshëm në Kosovë. Biseduam për marrëdhëniet ndërmjet Kosovës dhe Serbisë dhe nevojën e intensifikimit të procesit të dialogut drejt një marrëveshjeje ligjërisht të detyrueshme që në qendër ka njohjen reciproke”, shkroi Kurti.

LEXONI GJITHASHTU:

• Zbardhet biseda në telefon mes Vuçiç dhe Blinken, 3 temat kryesore
• Albin Kurti: Strukturat paralele në veri, më agresive pas pushtimit rus në Ukrainë