Kryeministri i Kosovës, Albin Kurti tha nga Dubrovniku se është përfshirë në procesin e bisedimeve me Serbinë sepse lehtësimi i bisedimeve organizohet nga Bashkimi Evropian.

“Bashkimi Evropian është projekti më i rëndësishëm i paqes dhe të ardhmes që nga Lufta e Dytë Botërore”, ka thënë Kurti duke shtuar se i është bashkuar dialogut me Serbinë sepse ai “organizohet nga Bashkimi Evropian, që është lehtësues i bisedimeve”.

Gjatë një samiti në Dubrovnik të Kroacisë, Kurti foli për procesin e dialogut mes Kosovës dhe Serbisë, dialog në të cilin kishte thënë se s’përfshihet pa u plotësuar disa kushte.

Sipas Kurtit, Serbia duhet të kërkojë falje për krimet e kryera në Kosovë, duhet të bëjë ndërrimin e Kushtetutës, kthimin e të pagjeturve, pagimin e dëmeve të luftës dhe të njohë pavarësinë e Kosovës, shkruan Gazeta Express.

LEXONI GJITHASHTU:

• Kurti non-grata? Ngjela: Kur të flasë Uashingtoni do e besoj, SHBA pranoi zgjedhjet
• Kurti bisedë telefonike me Sekretarin për Punë të Jashtme të Britanisë