Kush do dëmshpërblehet për muratorin që ra nga kati i 9-të? Flet avokati Kameri…

Një punëtor ndërtimi, 28-vjeçari me iniciale Emiljano Frroku, ka humbur jetën pasi ka rënë aksidentalisht nga lartësia e një pallati.

Avokati Ylli Kameri në një intervistë për Euronews Albania ai theksoi se përsa i përket dëmshpërblimit është një proces që ndodh pas përcaktimit të përgjegjësisë.

Mes tjerash nënvizoi se të drejtën për dëmshpërblim e gëzojnë të gjithë personat të cilët për shkak të lidhjeve të posaçme janë prekur  nga humbja e të ndjerit

“Procesi i dëmshpërblimit është një proces civil i cili ndodh pas përcaktimit  të përgjegjësisë administrative dhe pas përgjegjësisë administrative dhe pas përcaktimit të përgjegjësisë penale. Kryesisht zgjidhet përmes marrëveshjes. Familjarët në kushte depresive detyrohen të futen në kontrata që të marrin një shpërblim të menjëhershëm.

Nëse nuk arrihet në një marrëveshje përsa i takon masës së shpërblimit, atëherë palët i drejtohen Gjykatës. Të drejtën për dëmshpërblim e gëzojnë të gjithë personat të cilët për shkak të lidhjeve të posaçme janë prekur  nga humbja e të ndjerit. Nëse është kryefamiljar të gjithë trashgimtarët e tij ligjor, përfitojnë një masë dëmshpërblimi. Në rastin konkret do të përcaktohet me ekspertë”-tha ai.

LEXONI GJITHASHTU: 

• Zbulohet komploti për ta vrarë Presidentin Zelenskiy
• “Është mëshirë”- Avokati për Amnistinë: Nëse do e bëja unë, do liroja edhe vrasësit