Kush e inicioi dhunën në Kuvend PDK apo LVV? Përgjigjet nënkryetari i LDK, Haziri

Nënkryetari i partisë Lidhja Demokratike e Kosovës Lutfi Haziri, ishte këtë të premte i ftuar në një intervistë për Euronews Albania për të folur rreth ngjarjeve të fundit në Kosovë. Ndër të tjerat ai ka folur edhe për incidentin e ndodhur të enjten në kuvendin e Kosovës.

I pyetur se kush e nisi dhunën, nënkryetari i LDK tha se ishte PDK-ja ajo që kishte përgatitur slogane dhe foto të cilat sollën reagimin e anëtarëve të kabinetit, por gjithsesi shtoi ai shtyrja fizike e deputetit të PDK është abuzim dhe shkelje e rëndë e sovranitetit

“Në fakt PDK-ja kishte organizuar një performim politik mes sloganeve, fotografive, apo paraqitjes së kryeministrit si pinoku. Ky performim politik shkaktoi irritim nga ana e anëtarëve të kabinetit.

Ata reaguan shumë shpejtë dhe në mbrojtje të kryeministrit fizikisht, por shtyrja dhunimi  deputetit në dhomën ku ka sovranitet, është abuzim dhe shkelje e rëndë e sovranitetit dhe e të drejtës së përfaqësuesve të qytetarëve”,-tha nënkryetari i LDK, Lutfi Haziri.

LEXONI GJITHASHTU:

• “Kokën lart dhe vetëm përpara”, Rama: Falë PS të pushtetshmit po humbin pushtetin…
• Publikohet fotoja e parë e Prigozhin pas rebelimit kundër Moskës