Kush e nxjerr Berishën nga selia? Habit ish-deputeti: Policia, me një telefon

Ish-deputeti Halit Valteri, ishte i ftuar në studion e Euronews Albania këtë të hënë, ku foli në lidhje me vendimin e gjykatës së Apelit për vulën e Partisë Demokratike.

Valteri u pyet nga moderatorja Sidorela Gjoni mbi mënyrat si mund të largohet Berisha nga selia e Partisë Demokratike.

Ish-deputeti tha se kjo mund të ndodhë sipas legjislacionit, ku policia dhe përmbaruesi duhet të zbatojnë vendimin e gjykatës.

Pjesë nga intervista:

Gazetarja Sidorela Gjoni: Kush e largon Berishën nga selia e Partisë Demokratike?

Halit Valteri: Policia e Shtetit. Një telefon dhe vjen policia me përmbarimin. Duhet vendimi i gjykatës dhe përmbaruesit gjyqësor, u thua “kam pasur këtë qiraxhiun që më është futur me dhunë, nuk i kam marrë asnjë lekë, tani ma nxirrni pak jashtë”. Por besoj se nuk bëhet për selinë kjo luftë.

Edhe Sali Berisha dhe Rithemelimi janë deputetë të PD-së, atyre i takon gjithashtu selia. Selia u takon të gjithë anëtarëve sepse kanë dhënë kontribute. Aty nuk bëhet për selinë.

Alibeaj nuk 61 emra për bashki që të mbledhë vota. Plus duhen minimumi 40 emra për këshillat bashkiakë dhe thirrja që Alibeaj i bën Berishës është djallëzore dhe personale, duke i thënë hajde këtu dhe të mundim Ramën së bashku.

LEXO GJITHASHTU:

• Tabaku: Lulzim Basha është e shkuara
• Alibeaj zbulon në mbledhjen e Kryesisë 3 objektivat e PD: Të dalim me një kandidat
• Alibeaj mbledh Kryesinë e PD-së, kush janë deputetët surprizë që iu bashkuan