Kush e vrau kenianen? Flor Gjini: Roli i të dashurit dhe lëvizja e parë e kazinosë

Gazetari Flori Gjini tha në “Now me Erla Mëhillin” se sipas bisedës me nënën e kenianes që u dhunua në Tiranë dhe vdiq 6 muaj më vonë, kazinoja ku punonte 22-vjeçarja i kishte vënë në dispozicion një shofer nënës për ta çuar vazhdimisht nga shtëpia në spital kur ajo erdhi në Tiranë.

“E kam pyetur nënën nëse kompania e kazinosë i ka ofruar para dhe ajo e mohoi. Më kanë ofruar, tha, vetëm qëndrimin tim këtu. A ka qenë më pas i dashuri, a ka qenë kompania?! I ka ofruar edhe para i dashuri në ndihmë të Joy në këtë situatë. Këto janë disa detaje,” – u shpreh Gjini,

Joy Ayoko u shtrua në spitalin e Traumës më datë 14 gusht 2022. Ajo u gjet pa ndjenja, e dhunuar poshtë ballkonit të shtëpisë së saj.

22-vjeçarja i mbijetoi fillimisht plagëve të marra, por një dëmtim në tru e la në gjendje vegjetative. E reja nuk i mbijetoi dot dëmtimeve të marra, duke ndërruar jetë 6 muaj pas ngjarjes së rëndë.

Që nga ajo ditë e deri më sot, ende nuk ka asnjë të dyshuar ndonëse pista e dhunimit vërtetohet edhe nga përgjigjja e Prokurorisë.

LEXONI GJITHASHTU:

• Gazetarja akuza të forta: Familjarë të ministrave fshihen pas vdekjes së kenianes
• Flori Gjini rrëfen bisedën me të ëmën e kenianes së vrarë në Tiranë