Policia e Tiranës ka ndërmarrë një aksion në lidhje me importimin e mishit të pulës të kontaminuar me salmonelë nga Brazili. Uniformat blu kanë shpallur në kërkim administratorin e kompanisë, Arben Goxha, i cili dyshohet se ka tentuar të importojë 18.5 tonë mish gjoks pule të infektuar.
Gjithashtu, është proceduar penalisht Mondi Goxha, vëllai i Arben Goxhës, për veprën penale “Importimi, prodhimi, shitja dhe ruajtja e ushqimeve të rrezikshme për shëndetin ose jetën e njerëzve”.
Po ashtu, janë vënë në hetim tre inspektorë të Autoritetit Kombëtar të Ushqimit (AKU): Gezim Hushi, Sada Lufta, dhe Aldo Sinjari. Ata dyshohet se, përmes veprimeve dhe mosveprimeve të tyre, kanë lejuar futjen në treg të këtij produkti të rrezikshëm.
Materialet hetimore janë kaluar në Prokurorinë e Tiranës për veprime të mëtejshme.
LEXONI GJITHASHTU:
- Bllokohet ngarkesa me fileto pule me Salmonelë, erdhi nga Brazili në Durrës
- Skandali i mishit të pulës me salmonelë, Prokuroria e Tiranës nis hetimet
