Kush është kardinali më i ri i Kishës Katolike që do zgjedhë Papën

Kardinali më i ri që do të zgjedhë Papën do të jetë përfaqësuesi i vetëm i Australisë në konklava papale në Romë.

Kardinali Mykola Bychok u bë peshkopi më i ri që u ngrit në statusin kardinal dhjetorin e kaluar në moshën 44-vjeçare.

I lindur në Ukrainë në vitin 1980, Bychok ka shërbyer në role të ndryshme brenda kishës, duke përfshirë si misionar në Rusi dhe më vonë si famullitar në Ukrainë, sipas Raportit të Kolegjit të Kardinalëve. Ai gjithashtu kaloi kohë si famullitar në Neë Jersey në Shtetet e Bashkuara përpara se të transferohej në Australi në vitin 2020, tha faqja.

Bychok nderoi Françeskun të hënën, duke thënë se ai ishte një papë “për të margjinalizuarit dhe ata në periferi”.

“Ai ishte një njeri me devotshmëri të thjeshtë që u përpoq ta afronte kishën me njerëzit”, shkroi Bychok.

Bychok vuri në dukje se Françesku kishte vazhduar punën e nisur nga paraardhësi i tij Papa Benedikti XVI në adresimin e abuzimit seksual brenda kishës, por tregoi se duhet bërë më shumë.

“Papa Françesku u kërkoi falje të mbijetuarve të abuzimit dhe vendosi procedura më të thjeshta për t’u marrë me autorët”, shkroi ai. “Ai filloi të zbatojë një kulturë të mbrojtjes për më të cenuarit. Punë që duhet të vazhdojë në të ardhmen”.

LEXONI GJITHASHTU:

• Vatikani publikon datën kur do kryhet varrimi i Papa Françeskut
• Kardinalët takohen në Vatikan për të caktuar datën e varrimit të Papa Françeskut