Dy autorët e plagosjes së Joan Muçllarit në Pogradec, dyshohet se janë Firdeus Berberi dhe Greisi Maxhari.
Në vendin e ngjarjes ka shkuar dhe Gjovalin Loka, drejtor i drejtorisë së Policisë Korçë.
Sipas policisë, ngjarja ka ardhur pas një konflikti të çastit rreth orës 16:00.
I riu Muçllari mësohet se ka marrë një plumb në këmbë dhe ndodhet jashtë rrezikut për jetën.
Incidenti ka ndodhur pranë lagjes ‘Voloreka’.
Nga ana e Policisë janë ngritur pika kontrolli dhe po punohet për kapjen e tyre dhe sqarimin e rrethanave të ngjarjes.
Ngjarja dyshohet se lidhet me një konflikt të vjetër mes të plagosurit dha dy autorëve.
Në gusht 2020, në hotel ‘Voloreka’ në Pogradec, u qëllua makinat e parkuara në hotel dhe po ashtu edhe në drejtim të dhomës së djalit të pronarit të hotelit, Jetmir Muçllari.
Gjithashtu, Muçllarit i kanë djegur një makinë BMË X6 po në të njëjtin vit.
Mes të arrestuarve ishte dhe Ilir Berberi, person me rrezikshmëri të lartë shoqërore dhe një emër i njohur për policinë.
Ai ka qenë i dënuar për gjobë vënie, vjedhje dhe armëmbajtje pa leje. Në Pogradec njihet si “Lili i Rrushkës”, ndërsa është hetuar edhe për disa ngjarje të rënda kriminale si për vrasjen e shefit të komisariatit në Pogradec, Argon Gjyrezi.
LEXONI GJITHASHTU:
- Plagosje me armë zjarri në Pogradec
