Kush janë autorët e vrasjes së 20-vjeçarit në Tiranë, prangoset njëri prej tyre

Një 20-vjeçar ka humbur jetën pas mesnatës në Rrugën ‘4 Dëshmorët’ në kryeqytet, pranë gjimnazit “Partizani”. Policia bën me dije se i riu Stivën Toshkëzi është qëlluar me thikë pas një sherri me thika me dy të rinj dhe nuk ka mundur t’i mbijetojë plagëve të rënda.

Uniformat blu kanë mundur të arrestojnë një prej autorëve, Ensi Maze, ndërkohë që është shpallur në kërkim Axel Hoxhaj.

Grupi hetimor po vijon punën për mbledhjen e provave dhe sqarimin e plotë të rrethanave të ngjarjes.

“Më datë 18.04.2023, rreth 00:35, në rrugën “4 Dëshmorët”, në afërsi të gjimnazit “Partizani”, gjatë një konflikti për motive të dobëta shtetasit E. M., 18 vjeç, dhe A. H., 18 vjeç, kanë plagosur me mjete prerëse shtetasin S. T., 20 vjeç, i cili si pasojë e plagëve të marra ka ndërruar jetë në spital.

Si rezultat i kontrolleve të pandërprera të shërbimeve të Policisë është kapur dhe vënë në pranga njëri nga autorët e ngjarjes së ndodhur gjatë natës, shtetasi E. M”, njofton policia.

LEXO GJITHASHTU:

• Ashensori i shkatërruar, pamje nga shpërthimi në banesën e armiqëve të Vis Martinaj
• Tritol në banesën e babait të Leonard Dukës