Kush janë këshilltarët e opozitës që votuan pro zgjedhjes së Blerina Balës në Himarë

Pas 10 muajsh me kryetar në detyrë, tashmë bashkia e Himarës ka një kryetare të komanduar në krye të saj. Me shumicë të votave të Këshillit Bashkiak të Himarës, u caktua nënkryetarja Blerina Bala të ushtrojë detyrat e kryebashkiakes së Himarës deri në zgjidhjen e problematikës që ka mbërthyer postin e kryetarit të kësaj bashkie, pas arrestimit të kryetarit të zgjedhur më 14 maj Fredi Belerit dhe arrestimit 10 muaj më pas të kryetarit që ishte në detyrë, Jorgo Goros.

Nga totali prej 15 votash pro Balës, 9 janë nga anëtarët e PS në këshill ndërsa 7 të tjera nga partitë e opozitës. Pas zgjedhjes, kryetarja e komanduar nuk ka preferuar te prononcohet për mediat, por ka preferuar të shpërndajë në mënyrë elektronike mesazhin e saj, ku tha se fokusi i punës do të jenë problematikat e qytetarëve.

Anëtarët, jo të PS, që votuan për komandimin e Blerina Balës në krye të Bashkisë së Himarës:

Qirjako Mërkuri nga LZHK,

Maks Vlashi nga Mega,

Fuat Mati nga Rithemelimi

Aleks Llazari nga PD,

Timoleo  Gërdhuqi LSI

Milto Nika PSD.

LEXONI GJITHASHTU:

• Përplasje në Himarë, qyetetarët ndërpresin mbledhjen e Këshillit Bashkiak
• Zgjidhet kryetarja e re e Bashkisë Himarë