Kreu i ri i KFOR-it pritet të jetë italian, i cili do të zëvendësojë gjeneralin nga Turqia, Ozkan Ulutaş.
NATO ka konfirmuar raportet e mediave se kush do të zëvendësojë komandantin aktual të KFOR-it kur të përfundojë mandati i tij.
Gjeneral-major Ozkan Ulutaş do të largohet nga posti i tij më 11 tetor 2024. Ai do të pasohet nga gjeneral-major Enrico Barduani nga Italia, thuhet në njoftim.
Emri i Barduanit u lakua që në korrik, kur ministri serb i Mbrojtjes, Bratislav Gashić, u takua me shefin e Shtabit të Përgjithshëm të Forcave të Armatosura italiane, admiralin Giuseppe Cavo Dragone.
“Ai shprehu dëshirën që gjeneral-major Enrico Barduani, me marrjen e detyrës së komandantit të KFOR-it, të ketë bashkëpunim dhe komunikim të shkëlqyer me shefin e Shtabit të Përgjithshëm të Forcave të Armatosura të Serbisë, gjeneralin Milan Mojsiloviq”, njoftuan mediat në Beograd.
Në njoftim thuhet se KFOR-i jep një kontribut kyç për stabilitetin në Kosovë dhe në Ballkanin Perëndimor, duke ofruar “një mjedis paqësor dhe të sigurt për të gjitha komunitetet dhe lirinë e lëvizjes në mënyrë të paanshme”.
“Gjatë mandatit të tij, gjeneral-major Ulutaş vendosi marrëdhënie të ngushta me përfaqësuesit e institucioneve në Kosovë, shefin e Shtabit të Forcave të Armatosura të Serbisë dhe komunitetin ndërkombëtar, përfshirë misionet e BE-së, OSBE-së dhe OKB-së”, thuhet në deklaratë.
LEXONI GJITHASHTU:
- Gazetarja serbe: Vuçiç po na gënjen, Kosova është shtet i pavarur
- KFOR dhe Ushtria e Serbisë me patrullim të përbashkët në kufirin Kosovë-Serbi
