Gjykata Kushtetuese ka pranuar të shqyrtojë padinë për koncesionin e Parkut Arkeologjik të Butrintit. Lajmin e ka bërë me dije në rrjetet sociale, deputetja e Partisë Demokratik, Ina Zhupa.

Përmes një postimi në rrjetet sociale, Zhupa është shprehet se Gjykata Kushtetuese do të qëndrojë në lartësinë e emrit që ka dhe ka ftuar palët për të dorëzuar provat përkatëse deri më datë 27 janar të këtij viti.

Padia në fjalë është ngritur kundër koncesionit të Butrintit dhe është firmosur nga 36 deputet. Sipas deputetëve të Partisë Demokratike kontrata koncesionare për menaxhimin e parkut arkeologjik të Butrintit ka një sërë shkeljesh ligjore.

Në padi PD i kërkon Gjykatës Kushtetuese shfuqizimin e ligjit për koncesionin e Butrintit dhe pezullimin e menjëhershëm të këtij ligji, për shkak se krijon dëme të cilat do të ishin të pariparueshme.

Gjatë muajve tetor dhe nëntor marrëveshja për menaxhimin e Parkut Kombëtar të Butrintin nga fondacioni shqiptaro-amerikan AADF dhe shteti shqiptar ishte në qendër të debateve mes opozitës dhe mazhorancës.

Ligji u miratua vetëm me vota e mazhorancës dhe 18 deputetët e opozitës në seancë votuan kundër.

LEXONI GJITHASHTU:

• ‘Butrinti, pronë e shtetit’, Margariti: Po ndryshohet vetëm mënyra e menaxhimit
• Menaxhimi i Pallatit të Brigadave, Zhupa: Do jepet me koncesion si Butrinti