Kushtetuesja rrëzon padinë e PD për ndërtimet, reagon Bardhi

Gjykata Kushtetuese ka rrëzuar padinë e opozitës për VKM-në e nxjerrë nga qeveria për konfiskimim e ndërtimeve pa leje.

Kryetari i Grupit Parlamentar të PD-së, Gazment Bardhi ka reaguar përmes një postimi në Tëitter duke thënë se vendimin e sotëm e ka shpallur Edi Rama më 15.12.2022, ku kërkoi nga GJK të mos lajthisë dhe e sfidoi hapur duke paralajmëruar moszbatimin e çdo vendimi të ndryshëm.

Sipas tij, Kushtetuesja ka vepruar në bazë të presionit të Ramës dhe shantazhit të oligarkëve.

Deklarata e plotë:

Asnjë surprizë! Vendimin e sotëm të Gjykatës Kushtetuese e ka shpallur Edi Rama më 15.12.2022, ku kërkoi nga GJK të mos lajthisë dhe e sfidoi hapur duke paralajmëruar moszbatimin e çdo vendimi të ndryshëm. Për fat të keq Gjykata Kushtetuese nuk i rezistoi dot presionit dhe shantazhit të Kryeministrit dhe oligarkëve të tij! VKM-ja që legalizon ndërtimet pa leje të oligarkëve është thelbi i qeverisjes së Edi Ramës: Burg për qytetarët e thjeshtë, amnisti dhe legalizim për oligarkët.

LEXONI GJITHASHTU:

• Kushtetuesja rrëzon kërkesën për shqfuqizimin e VKM-së për ndërtimet pa leje
• Sherri për procedurat në PD, Bardhi kundërshton mënyrën e zgjedhjes së kryetarit