Kuvendi hedh poshtë pretendimet e Metës për falsifikim

Kuvendi i ka hedhur poshtë pretendimet e presidentit Ilir Meta për manipulim apo falsifikim dokumentesh në kërkesën drejtuar Gjykatës Kushtetuese për shkarkimin e presidentit.

Përmes një reagimi për mediat thuhet se Kuvendi respekton heshtjen dhe nuk bën komente për rastin në fjalë, në kushtet kur Gjykata Kushtetuese është tërhequr për të marrë vendim.

“Për sa i takon pretendimeve të Presidentit të Republikës për manipulim ose për falsifikim, me përgjegjësi të plotë sqarojmë se këto pretendime nuk qëndrojnë”, thuhet në reagimin e Kuvendit.

Presidenca do të dorëzojë në Prokurorinë e Posaçme, Prokurorinë e Tiranës dhe në atë të Përgjithshme kallëzim ndaj Kuvendit për falsifikim të dokumenteve gjatë procedurave për shkarkimin e tij.

Presidenti Ilir Meta deklaroi sot se e ka firmosur kallëzimin kundër funksionarëve përgjegjës në Kuvend për falsifikim të dokumenteve.

LEXONI GJITHASHTU:

• Presidenca padi në prokurori ndaj Kuvendit për falsifikim dokumentash
• A do ta lirojë zyrën nëse shkarkohet? Meta i përgjigjet Euronews Albania