Kuvendi i Kosovës në bllokadë, sot tentativa e 11-të për konstituim

Kuvendi i Kosovës pritet të mblidhet sërish këtë të hënë, më 5 maj, për tentimin e njëmbëdhjetë me radhë për ta konstituuar legjislaturën e re.

Kjo seancë vjen brenda afatit 48-orësh të përcaktuar nga një aktgjykim i Gjykatës Kushtetuese që nga viti 2014, pas dështimit të radhës dy ditë më pare, sipas Kosova Press.

Ngërçi institucional nisi që në tentativat e para për konstituimin e Kuvendit. Më 16 prill, deputetët dhanë betimin, por seanca për zgjedhjen e kryeparlamentarit u shoqërua me bllokada.

Kandidatura e Albulena Haxhiut për kryetare të Kuvendit ka dështuar gjashtë herë radhazi, pasi nuk ka arritur të sigurojë më shumë se 57 vota , katër më pak se shumica e nevojshme. Edhe pse në seancën e fundit emri i saj nuk u propozua, Vetëvendosje duket se nuk ka hequr dorë nga ajo si opsion i parë.

Përpjekja e LVV-së që votimi për kryeparlamentar të zhvillohet me votim të fshehtë po kundërshtohet nga partitë opozitare, të cilat e konsiderojnë këtë si manovër politike.

LEXONI GJITHASHTU:

• Urdhër arresti nga Barcelona për shtëpi bari në Spanjë, kapet 28-vjeçari në Shkodër
• Aksident tragjik në Greqi, humb jetën shoferi 21-vjeçar nga Shqipëria