Kvaratskhelia arrin akord me PSG, Zubimendi drejt kalimit në Londër

Një ndër lojtarët më të spikatur të kampionatit italian, gjeorgjiani Kvaratskhelia ka vendosur t’i japë fund aventurës në Serie A dhe ka vendosur të transferohet te PSG.

Akordi është arritur dhe mbetet vetëm zyrtarizimi e më pas prezantimi i tij te kampionët e Ligue 1, të cilët prej kohësh synojnë shërbimet e anësorit.

Një kontratë 4-vjeçare me 23-vjeçarin që do të përfitojë 9 milionë euro në sezon, 6 herë më tepër nga ajo që përfitonte te 3 herë fituesit e kampionatit italian.

Pak ditë më parë, vetë trajneri Conte deklaroi se Kvaratskhelia ka shprehur dëshirën për t’u larguar, e më pas klubi pranoi ofertën prej 70 milionë eurosh nga PSG.

Zëvendësuesi i tij në Napoli shihet si britaniku Marcus Rashford, i cili konsiderohet i padëshiruar në teatrin e ëndrrave. Sulmuesi nuk është në planet e teknikut Ruben Amorim, që e ka nisur jo në mënyrën më të mirë aventurën me Manchester United.

Merkatoja dimërore ka qenë e qetë, megjithëse ekipe si Man City apo Arsenal vijojnë punën, me londinezët që këmbëngulin për të bërë të tyrin mesfushorin Zubimendi. Në garë janë dhe djajtë e kuq, por duket se akordi është më pranë me ekipin e Artetës.

LEXONI GJITHASHTU:

• Armando Broja luan titullar në humbjen e Everton
• “Jam i lumtur!”, Armando Broja flet për ndeshjen e parë si titullar pas shumë kohësh