Ndërsa janë numëruare 714 nga 941 qendra votimi në Bashkinë Tiranë, kryeson kandidati i PS, Erion Veliaj me mbi 40 mijë në krahasim me kandidatin e Bashkë Fitojmë, Belind Këllçi që renditet i dytë.
Në vend të tretë për numrin e votave deri tani renditet Arind Qori nga Lëvizja Bashkë me 10302 vota, i cili ka lënë pas edhe kandidatin e PD zyrtare, Roland Bejko.
Në një intervistë për Euronews Albania, Qori u shpreh se do ta analizojnë kuti pas kutie gjithë rezultatin dhe do dalin me një qëndrim zyrtar.
“Po pres përfundimin e procesit, gjithçka mund të ndodhë. Nuk kam ndonjë koment për momentin. Do ta analizojmë kuti pas kutie dhe do dalim edhe me një qëndrim. E kam thënë që në fillim që do marrim nga 5-150 mijë vota, jemi aty midis kështu që nuk kam çfarë them më shumë”, u shpreh Qori.
LEXONI GJITHASHTU:
- Qafoku i surprizuar nga vendi i tretë në zgjedhjet për Bashkinë e Tiranës: S’pritej
- “Bashkë Fitojmë” dështon në zgjedhjet lokale, vjen reagimi i Berishës
