Lajçak: Kosova meriton liberalizim të vizave

“Unë me të vërtetë besoj se Kosova meriton që t’i jepet regjimi pa viza, e ka merituar para shumë kohësh”. Kështu ka deklaruar i dërguari i Bashkimit Evropian për dialogun Kosovë-Serbi, Mirosllav Lajçak, në një konferencë për media.

“Komisioni Evropian ka thënë shumë qartë se Kosova i ka plotësuar të gjitha kushtet, por e dini se kjo nuk është çështje e dialogut, por është çështje që kërkon marrëveshje konsensuale të 27 vendeve anëtare”, tha zyrtari i lartë në konferencën e përbashkët me Eskobar.

Ai nënvizoi se nuk do të duhen shumë kohë që ky proces të realizohet.

“Mund t’iu them se sa herë që informoj shtetet anëtare, gjithmonë e ngris këtë çështje dhe i informoj ambasadorët në Bruksel se sa e dhimbshme është kjo çështje në Kosovë. Vërtetë shpresoj se nuk do të marrë shumë kohë para se të shohim një liberalizim të plotë të vizave”, deklaroi ai.

Në këtë konferencë, njëzëri Gabriel Escobar dhe Lajçak thanë se  SHBA dhe BE nuk do të imponojnë ‘Republikë Serbe’ në Kosovë.

LEXONI GJITHASHTU:

• Lajçak dhe Escobar në Kosovë, ‘presion në rritje’ për dialogun