Lajçak: Po punohet që takimi Kurti-Vuçiç të mbahet brenda javësh

I dërguari i posaçëm i Bashkimit Evropian për dialogun Kosovë-Serbi, Mirosllav Lajçak deklaroi se zyrtarët në Bruksel janë duke punuar që takimi i radhës mes kryeministrit të Kosovës, Albin Kurti, dhe presidentit të Serbisë, Aleksandar Vuçiç, të mbahet brenda javësh.

Lajçak, i cili ndërmjetëson dialogun për normalizimin e marrëdhënieve midis Kosovës dhe Serbisë, i bëri komentet të martën në Prishtinë, pas takimit me Kurtin

“Mund të kthehem sërish së shpejti për t’u siguruar që takimi Kurti-Vuçiç do të jetë i përgatitur mirë. Besojmë se nuk ka më kohë për të humbur”, theksoi ai.

Kosova dhe Serbia, me ndërmjetësimin e BE-së, janë në negociata për normalizimin e marrëdhënieve qysh në vitin 2011.

LEXONI GJITHASHTU

• Lajçak zbardh takimin me Kurtin: Diskutime për veriun e Kosovës dhe energjinë
• Kurti takohet sot me Lajçakun në Prishtinë
• Michel: Po bëhet përparim në liberalizimin e vizave për Kosovën