Lajçak: Pres që Kosova dhe Serbia të hënën ta pranojnë Planin Evropian

I dërguari special i Bashkimit Evropian për dialogun Beograd-Prishtinë, Miroslav Lajçak ka thënë sot se pret që të dyja palët, si Beogradi dhe Prishtina në takimin në Bruksel të hënën ta pranojnë Planin Evropian për zgjidhjen e Kosovës.

“Plani, të cilin besoj që do ta pranojmë të hënën do të bëhet obligative për të dyja palët. Nuk është një marrëveshje e përkohshme, pas saj do të vazhdojë procesi i normalizimit të gjithanshëm të marrëdhënieve, i cili duhet të përfundojë me nënshkrimin e një marrëveshjeje gjithëpërfshirëse, para hyrjes së Serbisë dhe Kosovës në Bashkimin Evropian”, ka thënë Lajçak në intervistë për Tanjug.

Në lidhje me themelimin e Asociacionit, ai thotë se është herët të flitet për të jashtë dialogut meqenëse të gjithë flasin në mënyrën e vet si e mendojnë se do të ndodhë, shkruan Klan Kosova.

Sipas tij, të dy palët do të vendosin se si do të zbatohet Asociacioni përmes marrëveshjes brenda dialogut.

LEXONI GJITHASHTU:

• Kurti takohet me Borrell dhe Lajçak, për çfarë diskutuan
• Lajçak për Asociacionin: Gjithçka që është nënshkruar duhet të zbatohet