Lajçak takime në Prishtinë për draftin e Asocacionit: U pajtuam për hapat e ardhshëm

I dërguari i Bashkimit Evropian për bisedimet Kosovë-Serbi, Miroslav Lajçak ka bërë të ditur se ka nje dakordësi me autoritetet në Kosovë për hapat e ardhshëm në rrugën drejt normalizimit të marrëdhënieve me Serbinë, por pa dhënë hollësi se për çfarë hapash bëhet fjalë.

Ai i bëri këto komente në rrjetet sociale pas një takimi në Prishtinë me zëvendëskryeministrin e Kosovës Besnik Bislimi, në ditën e parë të vizitës në Kosovë.

“Sapo u takova me zëvendëskryeministrin e parë Besnik Bislimi për të diskutuar në vazhdën e takimit të fundit me udhëheqësit evropianë në Bruksel dhe nevojën për zbatimin e plotë të Marrëveshjes për Rrugën e Normalizimit pa vonesa dhe parakushte. Ne u pajtuam edhe për hapat e ardhshëm”, shkroi ai.

Qeveria e Kosovës nëpërmjet një komunikate tha se është “e përkushtuar për normalizim të plotë të marrëdhënieve me Serbinë dhe për njohje të ndërsjellë” dhe se temë e diskutime në mes të kryenegociatorit të Kosovës Besnik Bislimi dhe të dërguarit evropian Miroslav Lajçak, ishin “të gjitha aspektet e ndërlidhura me zbatimin e plotë të Marrëveshjes Bazike të Brukselit dhe Aneksit Implementues të Ohrit”

I dërguari i posaçëm i Bashkimit Evropian (BE) për dialog Mirosllav Lajçak, takonsot  liderët e partive opozitare. Takimi është paraparë të mbahet nga ora 10:00 në ambientet e zyrës së BE-së në Prishtinë.

LEXONI GJITHASHTU:

• Kurti jep vlerësimin për draftin e Asocacionit: Pa qëllim minues për Republikën
• “Të na jepet statusi i vendit kandidat”, Kurti tregon në Kuvend se çfarë i kërkoi BE
• Eksperti Shala tregon emrin e hartuesit të draft asociacionit