Lajm i mirë që klasa politike shqetësohet nga SPAK-u, thotë eksperti

Eksperti i sigurisë Fabian Zhilla tha për “Now” në Euronews Albania se është lajm i mirë që politikanët janë shqetësuar nga SPAK.

Ai përmendi se nga konferencat ndërajonale ku ka marrë pjesë rezulton se SPAK është një nga institucionet që në rajon ka pasur rezultatet më të larta edhe pse në kapacitetet njerëzore ka pasur probleme.

“Nuk mund të jemi selektivë kur gjykojmë një institucion i cili është në formim e sipër,” – u shpreh Zhilla ndërsa theksoi se nga 2020-ta në 2021-shin, ka një rritje të eficencës së SPAK-ut deri në 30%.

“Për mua është lajm i mirë që klasa politike është e shqetësuar nga SPAK-u. Për mua do të ishte lajm i keq kur shoqëria civile dhe shoqëria në përgjithësi është e pakënaqur nga SPAK-u,” – shtoi eksperti.

LEXONI GJITHASHTU:

• Dervishi: Të dalësh kundër SPAK, ke dalë kundër SHBA