Lamaj: 7 vite burg për shpërdorim detyre, të mbahej përgjegjësi për nxjerrjen pagave

Avokati Redi Lamaj foli në lidhje me dënimin me shërbim prove të katër zyrtarëve të cilët akuzohen për nxjerrjen e pagave të shqiptarëve vitin e kaluar.

I ftuar në emisionin  “Good Morning Albanians” në Euronews Albania, ai theksoi se sipas ligjit, kush akuzohet për  shpërdorim  detyre dënohet deri në 7 vite burg, ndërsa ato që akuzohen për korrupsion pasiv  dënohen deri në 4 vite.

Përsa i përket rastit të publikimit të pagave, Lamaj nënvizoi se duhet të kishte dorëheqje dhe mbajtje përgjegjësi penale.

“Për shpërdorim detyre dënimi maksimal është deri në 7 vite dënim, ndërsa për korrupsionin aktiv është deri në 4 vite. Duke qenë  se ata janë dënuar  me dy vjet i lind e drejta Gjykatës dhe mbrojtjes që të kërkojë dënimin me kusht, duke qenë se jemi në kushtet e një dënimin nën 5 vite. Ky është një dënim që ligji e parashikon si dënim që gjatë kësaj periudhe ti nuk duhet të kryesh një vepër penale. Gjatë kohës që je në shërbim je i monitoruar. Për rastin e pagave duhet të kishte dorëheqje, përgjegjësi politike dhe përgjegjësi penale”-tha ai.

LEXONI GJITHASHTU: 

• Roshi: Ndërtimet e bëra keq në Shqipëri, nga bregdeti, në Lushnje, Korçë e Dibër
• Nëse respektohen standardet e ndërtimit dhe të projektimit nuk ka rrezik nga tërmeti