“Lamtumirë Mirush”, Edi Rama reagon pas ndarjes nga jeta të aktorit të njohur

Është ndarë nga jeta në moshën 75-vjeçare aktori i mirënjohur, Mirush Kabashi.

Për lajmin ka reaguar dhe kryeministri Edi Rama, i cili përmes një postimi në faqen e tij zyrtare në Facebook i ka dhënë lamtumirën artistit, bashkëngjitur me një foto të tij.

Mirush Kabashi lindi më 17 prill 1948 në Shkodër dhe është rritur në Durrës. Origjina e tij është nga Gjakova. Me 1970 u diplomua për Aktrim në Institutin e Lartë të Arteve në Tirane dhe filloi punë në teatrin “Aleksander Moisiu” të Durrësit.

Aty, vazhdoi deri në vitin 1994, duke pasur edhe rolin e drejtorit, 1991-1993. Më pas punoi në Televizionin Shqiptar, në departamentin e Programeve Artistike si ideator dhe prezantues, kurse nga 2002 e ne vijim në Teatrin Kombëtar. Nga viti 1985, me periudha te ndërprera, është aktivizuar si pedagog i “Mjeshterise se Aktorit” prane Akademise se Arteve.

Ai është aktor i rreth 100 roleve, në teatër dhe filma. Shpesh ka qenë edhe prezantues i aktiviteteve të shumta artistike. Gjithashtu, Kabashi është cilësuar si një nga interpretuesit më të mëdhenj të poezisë në Shqipëri. Ai ka dhënë një kontribut të madh në filmografinë shqiptare.

LEXONI GJITHASHTU:

• Ndahet nga jeta në moshën 75-vjeçare aktori i madh Mirush Kabashi
• “Koncert në vitin 36’”, Kabashi zbulon detajin nga produksioni që i rezistoi kohës