Lapaj: Jam i lumtur që jam një nga faktorët që shtyva Ramën të takonte emigrantët

Drejtuesi i lëvizjes ‘Shqipëria Bëhet’, Adriatik Lapaj, është shprehur se është i lumtur që është një nga faktorët që e ka shtyrë kryeministrin Edi Rama për të takuar emigrantët.

Komentet Lapaj i bëri në Euronews Albania, pas takimit që kryeministri Rama zhvilloi me shqiptarët në Athinë.

Lapaj tha se është gjë e mirë që duhej të ishte bërë edhe më parë që kryeministri i Shqipërisë të shkojë dhe të takojë emigrantët shqiptarë jashtë vendit.

Ai shtoi gjithashtu se nga ana tjetër, Rama është pjesë e ‘koalicionit të vjetër’ që i ka larguar shqiptarët nga vendi.

“Rama është pjesë e koalicionit të së vjetrës që i kanë larguar shqiptarët në emigrim. Që prej ardhjes së Ramës në qeverisje e deri sot, sipas të dhënave të BE, 564 mijë shqiptarë kanë marrë letra në vendet e unionit. Pra janë miratuar me letra, jo më që shkojnë e rrijnë në të zezë.

Rama është një nga bashkëautorët e largimit të shqiptarëve nga Shqipëria. Unë mendoj që kryeministri i Shqipërisë të shkojë dhe t’i takojë. Unë jam i lumtur që kam qenë një nga faktorët që e kanë shtyrë në këtë vendimmarrje. Pastaj kur të shkojë në zgjedhje e shohim atë punë.

Emigrantët në botë janë shumë të zhgënjyer me vendin e tyre, me politikën, ka mungesë të theksuar besimi. Por nga ana tjetër kur kemi shkuar për t’i takuar, i kemi ngjallur dëshirë dhe shpresë që të vijnë e të na dëgjojnë”, tha Lapaj.

LEXONI GJITHASHTU:

• Adriatik Lapaj kundër Ramës: Do i bie demit në kokë, na ka bërë republikë qesharake
• “Na quajti racistë”- Reagimi i mediave greke për takimin e Ramës në Athinë