English

Larg marrëveshjes për territorialen, PD: Vendim politik

KOMENTE

SHPERNDAJE
ARTIKULLIN

Text sizeAa Aa

Duket ende larg një marrëveshje mes mazhorancës dhe opozitës për një reformë të re territoriale e të pakontestueshme nga palët.

- Advertisement -

Ndonëse drejt përfundimit të afatit të punimeve në komisionin nuk është gjetur ende një formulë e kënaqshme për të dyja forcat politike, në kohën kur secila prej tyre ka thënë fjalën e saj.

PD kërkon shtim të numrit të bashkive e PS të qëndrojë në ndarjen aktuale me 61 të tilla, e 12 qarqe, ashtu siç deklaroi disa ditë më parë kreu i grupit parlamentar socialist, Taulant Balla.

Qëndrim të cilin në mbledhjen e kësaj të hëne, bashkëkryetarja e komisionit Dhurata Çupi, si përfaqësuese e opozitës, nuk u kursye ta cilësonte si një vendim politik të paracaktuar.

Ndërsa bashkëkryetarja tjetër, përfaqësuese e mazhorancës, Anila Denaj, tha se qëndrimin paraprak e ka mbajtur PD, duke publikuar numrin e bashkive pa përfunduar puna e komisionit.

Përplasje mes Çupit e Denajt, pati edhe sa i takon dëgjesave e thirrjes së të tjera bashkive që do duhet të raportojnë përpara komisionit.

Komisioni për reformën territoriale do të vijojë të martën e të mërkurën me dëgjesat nga Ministria e Brendshme dhe Kontrolli i Lartë i Shtetit, ndërsa të premten ekspertët e të dyja palëve do të prezantojnë reportet finale, për ti depozituar pas Kuvend.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×