Lavrov dhe Rubio folën zhvillojnë bisedë telefonike, çfarë u diskutua

Ministri i Punëve të Jashtme të Federatës Ruse, Sergej Lavrov, dhe Sekretari i Shtetit të SHBA-së, Marco Rubio, zhvilluan një bisedë telefonike më 27 prill, ku diskutuan për “krizën ukrainase” dhe theksuan rëndësinë e negociatave për arritjen e një paqeje afatgjatë.

Në bisedë, të dy liderët u pajtuan për rëndësinë e vazhdimit të dialogut dhe arritjes së parakushteve për të filluar negociatat që do të mundësojnë një rrugë të besueshme për një paqe të qëndrueshme.

Sipas Ministrisë së Jashtme ruse, biseda u karakterizua nga një “shkëmbim produktiv i pikëpamjeve” për çështjet kryesore të marrëdhënieve ruso-amerikane, të cilat kanë pasur një intensifikim të ndjeshëm kohët e fundit.

Përveç krizës ukrainase, mësohet se u diskutuan edhe disa çështje të tjera ndërkombëtare.

“U ngritën edhe disa çështje të tjera ndërkombëtare. U ra dakord që të vazhdojnë kontaktet në të gjitha nivelet,” tha Ministria e Jashtme ruse.

LEXONI GJITHASHTU:

• Politikat tregtare të SHBA-së, aksionet e Azisë rriten sërish
• Sulmi tragjik në Vancouver: Autori i dyshuar përballet me tetë akuza vrasje