Lejeqëndrimet për emigrantët shqiptarë në Greqi, Guri: Aplikimi online, penalizim nëse nuk respektohet afati

Edmont Guri, përfaqësues i komunitetit shqiptar në Greqi, në një lidhje për emisionin Mirëmengjes në Euronews Albania sqaroi se si mund të aplikojnë emigrantët shqiptarë për lejeqëndrimi pas vendimit për shtyrjen e afatit deri më 31 mars 2022.

Z. Guri tha se aplikimi bëhet online dhe çdo gabim në plotësimin e të dhënave brenda afatit të caktuar mund të penalizojë emigrantët shqiptarë.

Ai akuzoi shtetin grek se nuk ka ofruar informacionin e nevojshëm se si duhet bërë aplikimi online për leje qëndrimi, çka sipas tij penalizon shtetasit shqiptarë që jetojnë në Greqi.

Shumë shqiptarë nuk janë të informuar, Greqia kur vjen puna tek emigrantët nuk e vë ujin në zjarr. Nuk është ofruar asnjë informacion si duhet aplikuar, duke sjellë vështirësi për emigrantët. Gabimi në plotësimin e të dhënave i jep një mundësi të dytë emigrantit për të zgjidhur ngërçin. Por kush nuk vepron deri në 31 mars rrezikon të humbasë lejen e qëndrimit”, tha z. Guri.