Lela: Tritan Shehu duhet të kishte varur xhaketën, të ishte tërhequr

Drejtori i Komunikimit në PD, Alfred Lela tha në emisioni Now në Euronews Albania tha se riemërimi i Tritan Shehut si drejtues politik në qarkun e Gjirokastrës është i pavend.

Sipas tij, Shehu duhet të ishte tërhequr dhe të kishte dorëzuar stafetën duke e lënë në dorë të emrave të rinj drejtimin e këtij qarku.

“Unë do të preferoja që zoti Shehu, me gjithë respektin që kam për të, ta kishte varur xhaketën e kontributit politik në kohën e duhur, në vendin e duhur dhe duke e ditur edhe ku është dhe si është partia dhe realiteti politik në Gjirokastër dhe përtej të kishte thënë; unë i kam marrë dhe dhënw PD-sw, duhet të jenë personazhe të tjerë që duhet të vijnë, ta kishte dorëzuar me nder stafetën, xhaketën, kontributin politik”, tha Lela.

Gazetarja e Eksiola Shehu siguroi për Euronews Albania listën me emrat e 12 drejtuesve politikë të PD në 12 qarqet që do të udhëheqin fushatën elektorale për zgjedhjet parlamentare te 2025-ës.

Drejtuesit janë si më poshtë:

Tiranë- Belind Këlliçi

Durrësi- Oerd Bylykbashi

Shkodra- Luciano Boçi

Lezha- Agron Gjekmarkaj

Gjirokastra- Tritan Shehu

Berat- Eno Bozdi

Vlora- Bujar Leskaj

Fieri- Gazment Bardhi

Kukësi- Flamur Hoxha

Elbasani- Ervin Salianji

Dibër- Xhelal Mziu

Korçë- Ivi Kaso

LEXONI GJITHASHTU:

• PD cakton në mbledhjen e kryesisë 12 drejtuesit politik në qarqe
• PD ndez motorët për fushatë, zbardhet drafti që do diskutohet në Kryesi