Plas goma e kamionit, lëndohet rëndë efektivi i policisë në Dibër

Një efektiv i policisë rrugore është lënduar rëndë në aksin Maqellarë- Peshkopi, si pasojë e shpërthimit të gomës së një automjeti të tonazhit të rëndë.

Efektivi me inicialet T.T, kishte shkuar në aksin rrugor, për të menaxhuar trafikun që ishte shkaktuar si pasojë e bllokimit që kishte shkaktuar kamioni që i shpërtheu goma.

Policia bën me dije se efektivi ndodhet në gjendje të rëndë dhe pritet transportimin i tij drejt spitalit të traumës me helikopterin e ushtrisë.

“Rreth orës 14.00, në vendin e quajtur ‘Qenok’, aksi rrugor Maqellarë-Peshkopi, një mjet i tonazhit të rëndë kamion ka pësuar defekt duke bllokuar aksin rrugor. Menjëherë patrulla e Policisë Rrugore ka shkuar në vendin e ngjarjes me qëllim menaxhimin dhe hapjen e trafikut për automjetet.

Gjatë momentit që punonjësi i Policisë Rrugore  po rregullonte trafikun,  ka plasur  njëra nga gomat e kamionit dhe është lënduar rëndë punonjësi i policisë rrugore shtetasi T.T.

Punonjësi i Policisë është dërguar në spital dhe  ndodhet në gjendje të rëndë shëndetësore pasi ka dëmtuar të dy këmbët.

Grupi hetimor nën drejtimin e Prokurorisë ndodhet në vendngjarje.

Pritet helikopteri i Ministrisë së Shëndetësisë për të transportuar  punonjësin e Policisë drejt Tiranës për ndihmë mjekësore më të specializuar”, thueht në njoftimin e policisë.

LEXO GJITHASHTU:

• Dëshmia e 32-vjeçares që hodhi në lumë foshnjën e saj: Nuk e mbaja dot
• Vodhën para dhe sende me vlerë, nënë e bir të arrestuar për 120 mijë euro dëm
• Hodhi në lumin Kir foshnjën e saj, arrestohet 32-vjeçarja