Lënia në qeli e Pëllumb Gjokës, avokati: Skeni parë gjë akoma, të gjithë në burg

Apeli i GJKKO caktoi këtë të enjte masën e sigurisë “Arrest me burg” për 6 të arrestuarit e operacionit të koduar “Metamorfoza”.

Ylli Manjani, avokati i biznesmenit Pëllumb Gjoka, deklaroi në përfundim të seancës se drejtësia në Shqipëri nuk po ushtron një standard të drejtë.

Manjani theksoi se askush nuk e pengon drejtësinë të hetojë, por mbajtja në burg gjatë hetimit nuk ëhstë një standard.

“Drejtësia nëse do të hetojë le të hetojë, mbajtja në burg gjatë hetimit nuk është standard. Me këtë standard nuk keni parë gjë akoma”, deklaroi avokati Manjani.

Madje Manjani ironizoi praktikat e drejtësisë së re për mbajtjen në burg gjatë hetimit me një shprehje të komunizmit. Shumë shpejt sipas tij “shprehja e shokut Enver të gjithë në ushtri, do të bëhet të gjithë në burg”.

“Nuk bëj dot teori konspiracioni, nuk i ushqej dot konspiracionistët me teori. Atë që nuk keni parë akoma është standardi i ulët i marrjes në përgjegjësi penale. Për shkak të këtij standardi shprehja e shokut Enver të gjithë në ushtri, do bëhet të gjithë në burg”, u shpreh ai për mediat.

LEXONI GJITHASHTU: 

• “Valë prangash”, gazetari bën paralajmërimin: Emra të tjerë në dosjen e SPAK
• Metamorfoza| Kërkuan masë më të butë sigurie, GJKKO shtyn vendimin për të ndaluarit