Leonard Solis flet për Isuf Kalon: Një profesionist i madh, shumë punëtor!

Ish-ministri i Shëndetësisë Leonard Solis tregoi në një intervistë për Euronews Albania se mjeku i njohur Isuf Kalo, i cili ndërroi jetë një ditë më parë kishte një reputacion të jashtëzakonshëm në Organizatën Botërore të Shëndetësisë.

Solis u shpreh se Kalo ka qenë njeriu kyç, nën drejtimin e të cilit u mundësua ngritja e qendrës së akreditimit për vendosjen e kritereve të ngritjes së një spitali privat apo publik mbi standarde të cilësisë.

“Ka shkuar për të dhënë leksione në të gjithë Evropën, sa thoshte se në fillim gradoja orën për t’u përshtatur me ndryshimin e orës, pastaj gradova kokën si ishte ora dhe nuk e ndryshova më. Kaq shumë punë ka pasur dhe kaq shumë cilësi ka ofruar në politikat shëndetësore të Evropës. Kur isha ministër i Shëndetësisë, me të kemi ngritur qendrën e kreditimin, inspektoratin e sistemit shëndetësor, vendosjen e kritereve të ngritjes së një spitali privat dhe publik dhe për kontrollin e cilësisë së mjekimit, që pacienti në mos shkelë në dërrase të kalbur por të jetë shteti që të kontrollojë cilësinë spitalore”, tregoi Solis.

LEXONI GJITHASHTU:

• Ndahet nga jeta mjeku i njohur Isuf Kalo
• Alda Bardhyli zbulon takimin e fundit me mjekun Isuf Kalo