‘Lëvizje të dëshpëruara të Rusisë’, Xhaçka: Mbështetje rezistencës së Ukrainës 

Lidhur me zhvillimet e fundit në luftën mes Rusisë dhe Ukrainës ka reaguar dhe qeveria shqiptare.

Ministrja e Jashtme, Olta Xhaçka, në një reagim në rrjetet sociale shprehet se “referendumet e rreme dhe mobilizimet e pjesshme ushtarake janë lëvizje të dëshpëruara nga ana e Rusisë që vetëm sa do të përshkallëzojnë këtë luftë tragjike.

Rusia zgjodhi të fillonte një luftë ilegale që u ka kushtuar jetën dhjetëra mijëra civilëve të pafajshëm dhe ka shkatërruar ushtrinë ruse”.

Xhaçka shton se “Ukraina po e fiton këtë luftë dhe këto lëvizje nuk do të dobësojnë mbështetjen ndaj rezistencës heroike të Ukrainës”.

LEXONI GJITHASHTU:

• ‘Mobilizim i pjesshëm ushtarak’, Putin shpall planin e ri për luftën në Ukrainë
• Stoltenberg: Kërcënimi bërthamor i Putinit, përshkallëzim i rrezikshëm