Lëvizte me pistoletë me vete, kapet në Tiranë 50-vjeçari me precedent penal

Policia e Tiranës goditi një rast tjetër të armëmbajtjes pa leje duke arrestuar dy persona. Gjatë opercionit  “Again”, efektivët ndaluan një automjet tip “Volkswagen” ku udhëtonin dy shtetas dhe pas një kontrolli të imtësishëm, gjetën dhe sekuestruan një armë zjarri pistoletë, municion luftarak dhe një sasi lënde narkotike (kanabis).

“Efektivët arrestuan dy personat që ndodheshin në makinë, 50-vjeçarin Elvis Gaçaj, i cili ishte pasagjer dhe mbante armën pistoletë dhe lëndën narkotike, po ashtu edhe drejtuesin e automjetit, shtetasinM.D., 40 vjeç, i cili akuzohet për “Moskallëzim krimi”, thuhet në njoftimin e policisë.

Sipas policisë 50-vjeçari Elvis Gaçaj. është një person me precedentë të mëparshëm penalë për armëmbajtje pa leje, lëndë narkotike dhe vjedhje me dhunë. Gjatë operacionit, janë sekuestruar gjithashtu arma e zjarrit, lënda narkotike dhe automjeti në fjalë.

Materialet procedurale i kaluan Prokurorisë për veprime të mëtejshme.

LEXONI GJITHASHTU:

• Tiranë, kapet me armë e drogë në makinë i dyshuari si pjesë e klanit “Duka”
• “Blindohet” Rinasi, ekstradohet nga Belgjika Leonard Duka, armiku i Ervis Martinajt