FOTO| Lëvizte në Shkodër me “Benz” të blinduar, Safet Bajrit i bllokohet automjeti

Personazhi i njohur i botës së krimit, Safet Bajri, i cili udhëtonte me automjet të blinduar, është shoqëruar në ambientet e Policisë së Shkodrës, për verifikimet përkatëse.

Përmes një njoftimi, Policia bën të ditur se pas verifikimeve, rezultoi se ai nuk ishte i pajisur me autorizim të lëshuar nga organi kompetent.

Drejtuesit të automjetit iu vendos gjobë dhe u zbatua masa për bllokimin e automjetit tip “Mercedes Benz” dhe do nisin procedurat e konfiskimit.

Njoftimi i Policisë:

Shkodër-Shërbimet e Policisë, gjatë zbatimit të planit të masave për parandalimin e kriminalitetit dhe për goditjen e paligjshmërive, në qytetin e Shkodrës, shoqëruan në ambientet e DVP Shkodër, një automjet të blinduar.

Pas verifikimeve rezultoi se drejtuesi i automjetit, shtetasi S. B. alias S. R., banues në fshatin Dobraç, Shkodër, qarkullonte i papajisur me autorizim të lëshuar nga organi kompetent.

Drejtuesit të automjetit iu vendos masë administrative, konform Kodit Rrugor, si dhe u zbatua masa plotësuese për bllokimin e automjetit tip “Mercedes Benz” dhe do nisin procedurat e konfiskimit.

LEXONI GJITHASHTU:

• Lirimi i Bajrit, mediat belge: Gangsteri më i kërkuar në Belgjikë, i dënuar 22 vite
• “Shfryhet” dosja Bajri, Gjykata pranon gjykimin e shkurtuar për Safet Bajrin dhe 4 të pandehurit