Lewandowski “besnik” i Barcelonës, Polaku do të qëndrojë me ulje të pagës

14 gola të shënuar deri më tani në La Liga e bëjnë Robert Lewandowskin sulmuesin më efektiv në kampionatin spanjoll dhe lider të padiskutueshëm të blaugranëve.

Paraqitjet e bomberit polak janë të jashtëzakonshme edhe pse në verën që lamë pas mbushi 36 vjeç, shifër që vlen vetëm për statistikë. Në formë, Lewandowski nuk ka krahasim me askënd, duke u kthyer në një kandidaturë serioze për këpucën e artë në Evropë, megjithëse është ende herët.

Dëshira e tij është të qëndrojë te Barcelona, aty ku konkurrenca është e madhe, por dhe situata ekonomike në klub është e vështirë. Për të bërë të mundur këtë gjë, 36-vjecari ka pranuar uljen e rrogës vjetor, vetëm e vetëm për të mos u larguar, nga skuadra ku ka gjetur formën më të mirë. Drejtuesit kërkojnë që futbollisti të jetë në gjendje të luajë të paktën 50% të ndeshjeve, e kjo gjë duket se do të ndodhë edhe këtë sezon, ku ai është sulmuesi kryesor.

Kontrata me katalanasit përfundon në 2026-ën, por klubi ka gjetur gjuhën e përbashkët që bashkëpunimi të vijojë edhe për 12 muaj të tjerë, në rast se polaku do të vijojë në këtë formë. Sezonin e ardhshëm paga e tij do të ulet me 7 milionë euro, në mënyrë që të jetë pjesë e ekipit më pas. Pavarësisht kësaj ulje, Lewandowski do të fitojë jo pak, por 22 milionë euro në sezon.

LEXONI GJITHASHTU:

• “Kontratat nuk kanë logjikë ekonomike”- Shehaj përplaset me Meten për koncensionet
• Zhvaste para përmes mashtrimit me kontrata pune në Norvegji, arrestohet 60-vjeçari