Libri i Ekrem Bardhës zbulon detaje për rolin e SHBA dhe diasporës për Kosovën

Dje në Tiranë është promovuar libri i aktivistit të çështjes shqiptare Ekrem Bardha, “E vërteta, pavarësia e Kosovës, Amerika dhe diaspora”. Libri sjell fakte të panjohura lidhur me kontributin e komunitetit shqiptar në SHBA për Kosovën.

 “Fakte që vërtetojnë, roli qe ka luajtur diaspora e Amerika nuk dihet ose është vënë nën hije, dhe është detyrë patriotike për mua që unë të vërtetoj se si u realizua pavarësia e Kosovës,” – u shpreh ai.

Libri tregon përpjekjet e diasporës nga këshilli shqiptaro-amerikan, aktivistë si vatra patriotike dhe rolin e tyre për të penetruar në kongresin amerikan, senatin amerikan, bisedimet me diplomatë dhe padyshim presidentë të cilët autori Bardha i përmend në librin e tij.

Pjesë e panelit ishte figura si Nevila Nika, Pëllumb Xhufi, Namik Dokle, Enver Hoxhaj të cilët falënderuan për veprën e atdhetarit Bardha.

Vepra e tij është një libër i pasur me kujtime, që dëshmon rrugëtimin e vështirë drejt pavarësisë së Kosovës dhe rolin e protagonistëve kryesorë të diasporës shqiptare në Amerikë.

LEXONI GJITHASHTU:

• “Ballkani” në Frankfurt, hap dyert panairi i librit; në fokus krizat botërore
• Vetidentifikimi etnik/Bido nxjerr në treg librin “Beteja për 20 përqindëshin”