Liderët e mbrojtjes takohen në Paris, në fokus “koalicioni i vullnetarëve”

Liderët e mbrojtjes nga rreth 30 vende kanë zhvilluar një takim për bisedime në Paris, ashtu siç ka njoftuar më parë dhe kryeministri i Mbretërisë së Bashkuar Keir Starmer pas një samiti të liderëve në Londër në fillim të këtij muaji.

Të organizuar nga presidenti francez Emmanuel Macron, ata kanë filluar përgatitjen e një plani për një “koalicion të të gatshëmve” .

Ky koalicion i vullnetarëve shërben për të ruajtur çdo armëpushim në Ukrainë dhe për të penguar Rusinë nga pushtimi i mëtejshëm në rast të një marrëveshjeje paqeje.

Mbretëria e Bashkuar dhe Franca kanë deklaruar se do të jenë të gatshme të dërgojnë trupa paqeruajtëse në Ukrainë nëse dhe kur të përfundojë lufta. Zyrtarët e Mbretërisë së Bashkuar kanë thënë se rreth 20 vende janë të interesuara, megjithëse jo çdo komb do të dërgonte domosdoshmërisht trupa.

Megjithatë, grupi në këtë takim besohet se përbëhet nga kombe evropiane dhe të Komonuelthit.

Sa i përket qëndrimit të Rusisë në këtë mes, Ministri i Jashtëm Sergei Lavrov tha se një veprim i tillë nuk mund të lejohet sepse do të përbënte përfshirje të drejtpërdrejtë, zyrtare dhe të pazbuluar të anëtarëve të NATO-s në luftën kundër Rusisë.

LEXONI GJITHASHTU:

• Rutte: SHBA-ja është e përkushtuar në NATO dhe KFOR
• Lavrov: Të gjitha parimet themelore të OSBE-së janë shkelur rëndë, janë injoruar