Lidhje e ngushtë me Brilant Martinaj, roli i 28-vjeçarit në masakrën e Don Boskos

Një nga personat e përfshirë në masakrën e Don Boskos është 28-vjeçari Nikoll Sherrniku. Ai dyshohet se siguroi targat gjermane për makinën e personave që morën pjesë në atentatin nga ku mbeti e vrarë banakierja e lokalit të Fation Muratit, Mimoza Paja.

Sherrniku i cili ka rënë në prangat e policisë njihet si një person i afërt me Brilant Martinaj i ekzekutuar në mbikalimin e Fushë Krujës, por dhe i të zhdukurit Ervis Martinaj.

28-vjeçari ka qene i dyshuar dhe ndaluar për vrasjen e ish-policit Xhulio Prela, por më pas është liruar për mungesë provash.

Në gusht të vitit të kaluar Sherrniku është arrestuar për armëmbajtje pa leje gjithashtu. Targat i ka siguruar para se të kapej nga policia.

Policia bën me dije se po vijon puna për zbardhjen e plotë të ngjarjes dhe dokumentimin ligjor të personave të përfshirë. Burime për Euroneës Albania konfirmojnë se ka emra të tjerë të dyshuar, por që policia s’mund t’i bëjë me dije për shkak të sekretit hetimor.

LEXONI GJITHASHTU:

• FOTO| Ky është një nga personat e përfshirë në masakrën e Don Boskos
• Ermal Hasimja: Para se të vritej banakjerja isha në Don Bosko, mund të mos isha sot