Ligj i ri për Agjencinë e Inteligjencës, rishikohen sistemet e mbrojtjes

Qeveria synon të forcojë sistemet e sigurisë dhe të mbrojtes, duke sjellë një ligj të ri për Agjencinë e Inteligjencës. Ligji integron edhe bashkëpunimin me organet e drejtësisë, të cilat janë riformatuar.

Qeveria po rishikon ligjin për Agjencinë e Inteligjencës dhe Sigurisë së Mbrojtjes, një institucion ky në varësi të Ministrisë së Mbrojtjes. Në dokumentin e hedhur për konsultim, argumentohet se qëllimi i këtyre ndryshimeve lidhet me përmirësimin e strukturës, trajtimin më të mirë financiar të punonjësve dhe rregullimin e marrëdhënieve pme strukturat e tjera që janë të lidhura me këtë Agjenci.

Ndryshimet marrin në referencë edhe kuadrin ligjor përkatës të vendeve të NATO-s, të tilla si Kroacia, si dhe konsultimet me aleatët.

Ato vijnë gjitashtu, në kushtet e një sistemi të ri të drejtësisë, ku pjesa e institucioneve gjatë viteve të fundit u janë nënshtruar riorganizimeve dhe Agjencia do të duhej të kishte gjithashtu përshtatje me kushtet e reja.

“Prokuroria, gjykatat, krijimi i SPAK-ut, nxjerrja e ligjit për Policinë e Shtetit dhe AMP, institucione me të cilat Agjencia e Inteligjencës dhe Sigurisë së Mbrojtjes bashkëpunon për realizimin e misionit të saj, nxitën nevojën për të ndërhyrë në ligj”, thuhet në relacion.

LEXONI GJITHASHTU:

• Ministri Peleshi video-konferencë me efektivët shqiptarë që janë me misione në botë
• Peleshi: Forca Ajrore shqiptare hap dyert për pilotët e FSK