Ministrja e shëndetësisë Albana Koçiu tha në Komisionin për Punën, Çështjet Sociale dhe Shëndetësinë se qëllimi kryesor i projektligjit “Për urdhrin e mjekëve në Republikën e Shqipërisë”, është shmangia e konfliktit të interes të mjekëve lidhur me shërbimin që ata ofrojnë privatisht me atë që ofrojnë në spitalin publik.

Këto ndryshime sipas Koçiut do japin një shërbim më të mirë dhe një imazh më të mirë të mjekëve. Ajo tha gjithashtu se pritet të miratohet edhe kodi i ri i etikës duke forcuar masat disiplinore.

“Miratimi i kodit të ri etik synon të sjellë në vëmendje se asnjë nuk është mbi ligjin mbi rregullat e tij etike apo profesionale. Përgjegjës për mos lejimin e abuizimit me ligjet është qeveria ndaj dëshiroj të theksoj se hartimi i këtij kodi nga Urdhri i Mjekut dhe miratimi i tij nga Ministria nuk është aspak cënim i pavarësisë së urdhrit të mjekut, apo kthim i tij në një shtojcë të Ministrisë së Shëndetësisë por kthen në vëmendje se bashkë mund ta përmirësojmë punën tonë në shërbim të pacientit”,-tha Koçiu.

LEXONI GJITHASHTU:

• Ministrja Koçiu: Vijon puna për ndërtimin e Korpusit të Laboratorëve të rinj në ISHP
• Pajisje jetëshpëtuese në Golem, ministrja Koçiu: Punojmë për rritjen e sigurisë