Rrëzohet kërkesa e Ahmetaj, lihet në fuqi vendimi për sekuestrimin e vilave

Apeli i GJKKO ka rrëzuar ankimin e Eriola Hoxës, bashkjetueses së ish-zv. Kryeministrit Arben Ahmetaj, si dhe sjtetases Elda Dinaj, për të hequr sekuestron e vilave në Hamallaj dhe asaj në Dhërmi.

Avokati i Ahmetaj, theksoi në ankimimin e bërë se kontrollet e ushtruara në banesën e bashkëjetueses së deputetit, Erjola Hoxha, janë në kundërshtim me Kushtetutën dhe cënojnë sovranitetin e Kuvendit të Republikës së Shqipërisë, për shkak të imunitetit të deputetit dhe faktit se ai banonte në atë shtëpi.

Gjithashtu në ankimim nënvizohej se kontrollet ishin të pabazuara në prova dhe se kanë cënuar dinjitetin njerëzor dhe shkeljen e privatësisë.

VENDIMI:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari DhimitĽr Lara, sot më datë 26.04.2023, shpalli vendimin lidhur me çështjen e regjistruar me nr. 70 akti, datë 12.04.2023 regjistrimi, mbi ankimin e paraqitur nga ankuesit E.H., E.D., kundër vendimit nr. 137 datë 23.03.2023 të Gjykatës së Posaçme të Shkallës së Parë për Korrupsionin dhe Krimin e Organizuar, që ka disponuar mbi caktimin e masës së sigurimit pasuror, sekuestro preventive, mbi pasuritë e paluajtshme.

Në përfundim, Gjykata e Posaçme e Apelit për Korrupsionin dhe Krimin e Organizuar vendosi:

– Miratimin e vendimit nr. 137, datë 23.03.2023 të Gjykatës së Posaçme të Shkallës së Parë për Korrupsionin dhe Krimin e Organizuar për ankuesit znj. EH. Dhe znj. E.D.

LEXO GJITHASHTU:

• “Range Roveri” përplas 17-vjeçaren në Tiranë, arrestohet drejtuesi
• EMRI| Përplasi me ‘Hummer’ dhe kanosi 39-vjeçarin, arrestohet i “forti” në Pogradec
• Bashkëshorti i afrikanes së vrarë nga policia s’e di ende nëse ishte shtatzënë…