Lihet në burg djali i anëtares së KLP, akuzohet për vrasje nga pakujdesia

Rei Meta djali i anëtares së KLP, Nurihan Meta i cili goditi me grushte Armando Meshaun deri sa ky i fundit ndërroi jetë, do vuaj dënimin arrest me burg.

Ai akuzohet për vrasje nga pakujdesia.

Seanca ndaj Rei Metës u mbajt sot në Gjykatën e Shkallës së Parë në Vlorë me dyer të mbyllura. Gjyqtare e çështjes ishte Emiljana Dhima ndërsa prokuror Arian Xhaferi.

Prokuroria kërkoi “Arrest me burg” nën akuzën “Vrasje nga pakujdesia”  ndërsa avokatët mbrojtës kërkuan një masë me të lehtë sigurie. Megjithatë gjyqtarja Emiljana Dhima ka pranuar kërkesën e Prokurorisë duke lënë kështu në burg, Rei Metën.

Seanca gjyqësore u mbikëqyr  nga forcat e policisë ndërsa në ambientet e gjykatës nuk ka pasur prezencë të familjarëve.

Kujtojmë se ngjarja e rëndë ndodhi më 7 gusht, shkak për konfliktin mes dy personave dyshohet të jetë bërë një apartament. Burime konfirmojnë se Rei Mete futej shpeshherë si sekser për zgjidhjen e problematikave me pronat në Vlorë.

Ai merrte përgjegjësi për zgjidhjen e konflikteve, në emër të së ëmës, Nurihan Metes, e cila është anëtare e KLP-së.

Mete kërkonte që për lejet e pronave që jepeshin, apo zgjidhjen e mosmarrëveshjeve të  përfitonte apartamente ose shuma monetare. Në këtë rast është bërë një marrëveshje mes palëve për një pronë, për të cilën pas marrëveshjes, Armando Meshau e ka gjetur vetë dakordësinë me palën e tretë. Mete pretendonte se viktima duhet t’i jepte një apartament pavarësisht se nuk ishte ai personi që zgjidhi konfliktin.

Pamjet filmike të kamerave të sigurisë janë sekuestruar dhe janë në dispozicion të policisë do të japin një version të saktë të asaj që ka ndodhur brenda ambienteve të kancelarisë.

LEXONI GJITHASHTU:

• Grushtoi për vdekje 55-vjeçarin në Vlorë, Rei Meta del para gjykatës
• Gjashtë ushtarë turq janë vrarë nga luftëtarët kurdë në Irak