Likmeta: Ka përkeqësim sa i përket transparencës në sistemin e drejtësisë

Gazetari Besar Likmeta thotë se ka një përkeqësim, sa i takon transparencës së sistemit të drejtësisë në vendin tonë.

Në emisionin “Barometri” në Euronews Albania, Likmeta u shpreh se edhe pas 30 vjetësh, qytetarët shqiptarë ende nuk kanë drejtësi.

“Për transperencën, mund të themi që ka një përkeqësim të transparencës së sistemit të drejtësisë. Që nga institucionet që e drejtojnë sistemin, Këshilli i Lartë Gjyqësor, Këshilli  iLartë i Prokurorisë, nuk i japin qasje gazetarëve, publikut për vendimet. Pas 30 vjetësh, unë si qytetar shqiptar, të jem në nevojën e lëmoshës për të marrë drejtësi, kjo nuk është arritje, është një dështim i madh”, theksoi ai.

Pavarësisht mbështetjes së ndërkombëtarëve, Reforma në Drejtësi nuk ua ka kthyer shqiptarëve besimin tek drejtësia. Të pyetur nga Barometri në Euronews Albania se si funksionon drejtësia sot krahasuar me 5 vite më parë, 35.4% e tyre mendojnë se asgjë nuk ka ndryshuar.

Ndërsa 28.1% e tyre janë shprehur se sistemi jonë i drejtësisë është përkeqësuar. 6.7% e të pyeturve mendojnë se drejtësia është shumë me keq se sa ka qenë 5 vite më parë.

Vetëm 27.3% e të pyeturve mendojnë se sistemi i drejtësisë me reformimin është më mirë. Ndërsa shumë më mirë mendojnë vetëm 0.1%, një shifër shumë e ulët.

LEXONI GJITHASHTU

• Mbi 59% e shqiptarëve mendojnë se politika ka kapur drejtësinë
• Socialistët dhe demokratët të ndarë në vlerësimin e Reformës në Drejtësi
• Shqiptarët të zhgënjyer nga Reforma në Drejtësi