Linja e Sanatoriumit disa ditë pa urbanë, qytetarët detyrohen të ecin në këmbë

Që nga momenti i marrjes së vendimit për përgjysmimin e flotës urbane, qytetarët që përdorin linjën e autobusëve të Sanatoriumit janë detyruar të ecnin në këmbë, pasi kjo linjë nuk ka funksionuar.

“Deri dje nuk ka pasur autobusë, arsyeja është çmimi i naftës, kemi ecur në këmbë”, u shpreh një qytetar.

Kjo ka shkaktuar probleme dhe vonesa për qytetarët, pasi ata nuk ishin lajmëruar më parë.

Ata janë detyruar që të marrin linja të tjera, për të shkuar deri në gjysmën e rrugës e më pas, pjesën tjetër ta vazhdonin në këmbë.

“Ditë të tjera nuk ka pasur fare, për 5 ditë me radhë. E bënim rrugën në këmbë. Më përpara ka qenë çdo një orë”, tha një qytetar.

Prej ditës së djeshme, kjo linje ka filluar te funksionoje por me një  numër shumë të kufizuar mjetesh. Gjatë vëzhgimit na rezultoi se duhet të presësh 1 orë e gjysmë në stacion derisa të vijë urbani.