Linjat ajrore indiane anulojnë dhe devijojnë fluturimet

Disa linja ajrore indiane kanë njoftuar gjithashtu anulimin e fluturimeve për në Kashmirin e administruar nga India dhe për në disa qytete në shtetet kufitare si Rajasthani dhe Punjabi.

SpiceJet tha se aeroportet në pjesë të Indisë veriore, duke përfshirë Dharamshala, Leh, Jammu, Srinagar dhe Amritsar, ishin të mbyllura, gjë që ndikoi në fluturimet e saj nga këto vende. IndiGo Airlines postoi në X se fluturimet e saj për në dhe nga këto qytete u prekën për shkak të kushteve të ndryshueshme të hapësirës ajrore.

Air India tha se kishte anuluar të gjitha fluturimet e saj për në dhe nga qytetet Jammu, Srinagar, Leh, Jodhpur, Amritsar, Bhuj, Jamnagar, Chandigarh dhe Rajkot deri në mesditë sipas kohës lokale.

Kompania ajrore tha gjithashtu se kishte devijuar dy fluturime ndërkombëtare që ishin nisur për në Amritsar në shtetin Punjab, drejt kryeqytetit Delhi.

LEXONI GJITHASHTU:

• India nis sulm me raketa kundër Pakistanit
• Sulmi i Indisë në Pakistan, humbasin jetën 8 persona, mes tyre një fëmijë