“Liria ka emër” – Rama njofton tubim në mbështetje të ish-krerëve të UÇK në Tiranë

Një tubim për të kërkuar drejtësi për krerët e Ushtrisë Çlirimtare të Kosovës, që po gjykohen në Gjykatën e Hagës do të mbahet në Tiranë më 17 tetor.

Lajmin e bëri me dije kryeministri Edi Rama përmes një postimi në faqen e vet në Facebook ku shkruan se këtij tubimi duhet t’i bashkohen të gjithë shqiptarët nga Kosova, Maqedonia e Veriut, Shqipëria, diaspora e çdo cep i trojeve shqiptare.

“Me kënaqësi dhe i nderuar t’u bindem organizatorëve për ta postuar këtë ftesë-thirrje. LIRIA KA EMËR

Nga Kosova, Maqedonia e Veriut, Shqipëria, diaspora e çdo cep i trojeve shqiptare-mijëra zemra do të bashkohen këtë të premte, më 17 tetor, ora 17:00, për të kërkuar njëzëri drejtësi për çlirimtarët”, shkruan Rama në Facebook.

LEXONI GJITHASHTU:

• Dëshmimtari në Hagë: Thaçi kishte marrëdhënie të ndërlikuara me komandantët e UÇK-së
• Rrugët e Tiranës mbushen me fotot e komandantëve të UÇK