Milan Radoiçiç i cili pranoi të ishte qenë në krye të grupit kriminal i cili sulmoi policinë e Kosovës në afërsi të manastirit të Banjskës, tashëm u lirua nga paraburgimi.

Avokati i tij Goran Petronijeviç, tha se Radoiçiq mohoi të ketë kryer vepra penale dhe se ai shpjegoi në detaje gjithçka që kishte bërë.

Ai shtoi se në momentin e arrestimit Radoiçiç ka qenë në një banesë në Beograd, ku në orët e para të mëngjesit është kryer kontrolli i cili ka zgjatur pak më shumë. Ai shtoi se në banesë nuk është gjetur asgjë me rëndësi, përveçse Milan Radoiçiç kishte një armë për të cilën kishte leje.

Në pyetjen se për cilat krime akuzohet Radoiçiç, Petronijeviç tha se ato janë krime që kanë të bëjnë me armët dhe krim i rëndë kundër sigurisë së përgjithshme. Sipas tij polici afrim Bunjaku ka vdekur aksidentalisht nga shpërthimi dhe jo se dikush e ka qëlluar.

“E keni parë vetë se autoritetet e Prishtinës e kanë konfirmuar se polici i ri fatkeqësisht ka vdekur aksidentalisht, ai ka vdekur nga një shpërthim dhe jo se dikush e ka vrarë apo e ka qëlluar. Radoiçiç tha që nga fillimi, të gjitha ato barrikada që ishin rrëzuar deri më tani dhe policia e dinte se kishte atë lloj sigurie ndaj makinerive të rënda që përdorën kamionët për të thyer bllokadën.

Ata po vendosnin një mjet shpërthyes që do të ndaloje atë makineri, qofte ekskavator, qofte një transportues i blinduar me kove qe ishte e zakonshmja. Pse kësaj here qe derguan nje njeri, mendoj ne përpjekje për të demontuar çfarëdo qofte që ata ishin duke u ngjitur në atë kamion, duke hyrë e dalë dhe në një moment ka ndodhur një shpërthim”, thotë Petronijeviç.

I pyetur se si e komenton deklaratën e Prokurorisë së Lartë Publike se armët janë dorëzuar nga Tuzledi, Radoiçiç i ka marrë në Bubanj Potok dhe i ka dërguar në Kosovë, Petronijeviç ka thënë se kjo është pjesë përbërëse e deklaratës së tij.

Petronijeviç tha se çdo gjë e kupton si çështje presioni.

“Ne nuk kemi asnjë provë të vetme për momentin, përveç pamjeve të gazetave, për gjithçka që ai akuzohet”, tha ai.

LEXONI GJITHASHTU:

• Partia Socialiste dorëzon në Kuvend rezolutën që dënon sulmin në veri të Kosovës
• Tushi: Prindërit nuk kalojnë shumë kohë me fëmijët, i japin celularin